خليني أحييك من كل قلبي إنك أخذت الخطوة الجريئة

.ورح تشارك بمعسكر خيمياء الروح

وتذكّر إنه مش أي شخص عنده الشجاعة إنه يغوص في أعماق ذاته فبرا فوووو
 
 
هلا في أشياء مهم تعرفها عشان يخدمك معسكر
خيمياء الروح بالطريقة المفروضة
 
وهاد رح يكون بداية نقلة بوعيك لمراحل جديدة تماماً، فضروري تحضّر حالك منيح
 
كيف تحضّر حالك؟*
 
يعني قبل المعسكر بلش نظّف حياتك، وهاد بتضمن كل الجوانب
 
:مثلا

نظّف أكلك وبلش كل أكل أخضر أكثر من الطبيعة

اشرب ماء أكثر
 
حرّك جسمك أكثر من خلال الرياضة او اليوغا
 
خفف من الناس اللي بمصّوا طاقتك
وقتك على الأرض محدود وما بدك اتضيع مع هيك ناس
 
زيد فترة تأملك
 
اعمل التأمل اللي طلبه منك ايهاب

احضر مواد بترفع وعيك
 
ارمي او اتبرع بالأشياء القديمة وبطلت تخدم
وغيرها من طرق التنظيف الطاقي بالطريقة اللي بتشوفها مناسبة
 
اتذكّر إنه معسكر خيمياء الروح رح يكون قوي، وبحتاج منك جسم وسيكولوجيا نظيفة
.... كمان اشي
 
 
: بدي احكيلك تنتبه لنظام الخوف عندك 
 
يعني لما يقرّب وقت المعسكر يمكن
تحس إنه أخذت القرار الغلط
او هاد المعسكر مش مناسب الك
او حتى جسمياً تتعب شوي
 
اتذكر انه هاي كلها وسائل نظام الخوف
اللي ما بده ياك تيجي
عشان عارف إنه في تغيير رح يصير
فاسترخي وتنفس
 
:وهلا بدي أعطيك نصائح صغيرة للمعسكر نفسه
 
المعسكر بوادي رم يعني بالصحراء، فانتبه انك تجيب أواعي بتناسب الصحراء
برضه جيب معك يوغا مات، يعني المطاط اللي بتعمل عليه اليوغا
جيب معك مطرة ماء
وأي اشي بتحسه بكون مناسب لوادي رم لأنه رح تكون في خيم في قلب وادي رم في الصحراء, كون مهيء حالك إنك رح تكون في قلب الصحراء سيكون هناك حمّام وشوَر لكل خيمة
 
وبالنسبة للمواصلات
 
الباص رح يطلع من عمان إلى وادي رم وبالعكس، و رح نخبرك بالايميل عن الوقت والموقع
وإذا تأخرت عن الباص رح نعتذر منك وتسبقني لحالك بالسيارة، عشان في وقت ملتزمين فيه مع الجروب كامل
 
آخر اشي اتذكّر إنه معسكر خيمياء الروح هو معسكر للتطوّر, لهيك ضروري تيجي بذهنية عدم
  الأحكام على أي حد أو المدرب خط أحمر
واذا عندك ملاحظات بتحكيها إلي مباشرة إلي أو للمساعدين بدون أحكام جانبية
فبنصحك تيجي بقلب صافي وفاتح للتعلم
 
وبرضه بدي انبهك إنه المواد اللي رح نعطيها ممن تكون كثير غريبة الك، أو حتى صادمة لنظامك الفكري
فتعلم إنك تفتح قلبك للتجديد وتتعلم العلوم السرية للتغيير الطاقي
 
ما تخاف، أنا و المساعدين عنا خبرة عالية كيف ندعمك فأنت بأيدي أمينة, بس تعال بعقل و قلب منفتح
 
رح احكيلك برافو مرة ثانية على شجاعتك
وخلينا ننبسط مع بعض بحب وسلام

مع حبي
د.إيهاب حمارنة